Tadhaa Zrii nanh, Iqaluit, Nunavut gwizhit Greenpeace dinjiinat łigaajil, Nikolay Rochev, Izvatas gwichit diiyah nilih, aii Izhma Komi kat guuveenjit trʼigiinkheʼ.
Aii Izhma Komi dinjii ka, Russian Chuu Choo gwidiʼ gwitsʼat dinjii zhuh giinlih. Vadzaih daagaii akʼahndak, nigaazrii, łuk kagidiʼin tsʼat nanh kak kagwidhahʼaii gugwaaʼeʼ. Nanh kan gugwindaii, guushih, nitsʼoo shik gugwaaʼeʼ, guunanh kak gugwindaih. Izhma Komi ginjik zhit forest ginuh danh tʼat dachan nahsii deekʼit tsʼat Komi kaiikʼit eenjit tʼiginuh. Gwat juk gweendoo ejuk tʼeenjah, nan ghaiʼ katrʼintii gugwitrʼit ehʼan nanh gwiizuu gahtsii tsʼat srehtat tʼigwidizhik.
1970ʼs gwinoo, guunanh kak khaii tsʼat nan ghaiʼ eenjit guunkatrʼintii gwitrʼit tʼigwidiʼin eenjit Nikolay giinkheʼ. 1980ʼs gwinoo, Komi Izhma guunanh kak tsʼat Kolva han gwinjik gwichuʼ gwiinlit nan ghaiʼ vizhit najithaanjaa. Han tsʼat teechik gwinjik chuu iizuu dhilit, vaadzaii daagaii nijin gwaʼan natahʼoo, guunanh shihdanaagwat tsʼat srehtat gugwahtsih akoo aii Komi gwichʼinat khainjiʼgidaadhat.
Getrʼagoodaanuh kwah. 1989 gwinoo, aii Pechora kaiikʼit gwinagooʼee gwaʼan dinjiinat aii Save the Pechora Committee nihkhah gehsriinagahnjik, jidii eenjit dinjii zhuh kat gagiinkhii guutrʼoohadhahchʼah. 1990 gwinoo, Nikolay aii Izvatas gijiłchʼeiinat guuchit nilih, guuvah nihkhah gwitrʼit tʼigahʼin. Guunagooʼee nanh eenjit gijiłchʼeiinat tsʼat Greenpeace Russia nihkhah gwijaaʼ giinlih, aii Izhma Komi dinjii zhuh tsʼaii guuveenjit gwitrʼit tʼigahʼih.
Nikolay jidii eenjit gugwandak gugwinaajat. Pechora han gwidaii, khaii drinh eenjit iitsii gwizhah vitsʼat gwidaaʼil tsʼat gwidaaʼił gwichʼiʼ nuclear bomb gwinaadoh. Aii tłʼee, aii nan ghaiʼ eenjit dinjii gwitrʼit tʼigahʼin kat, aii gwandak edinehtłʼeeʼ gwizhit jidii eenjit nan ghaiʼ eenjit gwandak vaogoonuu giiyuunjik tsʼat vizhit gwandak nizii agadantłʼoh. 2010 gwinoo Gulf of Mexico gwaʼan nan ghaiʼ danhłeii najuunjaa, Russian nan ghaiʼ industry guukʼiigheʼ nan ghaiʼ nihkʼiitik gehndooʼ nan ghaiʼ najuutłʼit, khaii etʼaonaanchʼuu akoo tʼigwidizhik.
Nunavut tsʼat Canada Chuu Choo gwidiʼ gwitsʼat dinjiinat akoo daguutrʼaanjah, jidii eenjit nan ghaiʼ industry eenjit gagiinkhii guudhohchʼeih kwah tsʼat nitsʼoo nan ghaiʼ eenjit khatriʼgugyit daiʼ, vikʼiigheʼ srehtat gugwahahtsaa gwiinzii ahghwondaii guutrʼoodaanjah.
Nikolay giinkheʼ tłʼee nihkhah ginjiʼ gadaaghoh. Aii Izhma Komi gwichʼinat, nitsʼoo nan ghaiʼ eenjit khatrʼigugyit nah guuvah gwitʼagwiinʼee, dinjii leii adahdidhaaghah tsʼat igidinii eenjit giizuu. Guulat chan Canada vaʼadachoo nitsʼoo nan ghaiʼ nijithanjaa daiʼ, nitsʼoo vah gahtrʼooʼaii, Russian vehndo gwiinzii gwitrʼit tʼigigahʼih. Gwat chan Chuu Choo gwinagooʼee gwaʼan nan ghaiʼ nijithanjaa vikʼiigheʼ srehtat gugwahtsii, Shell eenjit gwitrʼit tʼahʼin kat Alaska gwizhit nan ghaiʼ eenjit khatrʼigugyit ehʼan srehtat gugwahtsih.
70ʼs tsʼat 80ʼs gwinoo aii needzak eenjit nitrʼaazrii eenjit Greenpeace gwandak sriitsʼat gwitsʼan gałtsaih kwah tsʼat jukwaahee Nunavut gwichʼinat hah ginjiʼ gahdaaghoo, Eneekaii guuvah niʼtsʼaiigugwahʼee tsʼat jii eenjit apologized gałtsaih. Leih kat tthʼeih guuvah niʼtsʼaiigugwahʼeh, jii eenjit gugwaadak. Guuveenjit gugoontrii googaaʼ nihkhah gugiinkheʼ tsʼat gugwaandak goodhiłchʼeii eenjit shoh giinlih.
Canadian Chuu Choo gwinagooʼee gwaʼan juk gweenoo nan ghaiʼ eenjit khatrʼigugyit gugwaandak eenjit Nikolayʼs vigwaandak sriitsʼat tʼiinchʼuh. Nanh gwiniidhaa neegwidaazhih ehʼan łuu taojiilit gwikʼiigheʼ aii juudin nan ghaiʼ eenjit khatriʼgugyit giʼgwadhan tsʼat azhik gwitsʼat neegidijah, aii Arctic oil extraction is incompatible with taking serious action on climate change googaaʼ. Aii nan ghaiʼ eenjit khatriʼgugyit gwidinjiiʼ Russia tsʼat Canada permission gugwahtsih jiʼ, guudavee gwiheezah kwaa guutrʼahnuh. Aii Izhma Komi gwichʼinat tsʼat Canadian Eneekaii kat uuʼok nanh diinagwijilzhit gwitsʼat shih kan kagwidhahʼaii tsʼat nitsʼoo yeenoo daiʼ nitsʼoo guuʼanjooʼ kat giniinjil tthʼeih akootsʼantsʼat gugwaaʼeʼ. Nan ghaiʼ eenjit khatriʼgugyit gugwitrʼit guuvah niʼtsʼaiigugwahʼaii. Nitsʼoo aii Izhma Komi guuvah nan ghaiʼ eenjit khatrʼigugyit guuvah guunanh srehtat gugwałtsaii, jii nagwananh gwizhit Eneekaii akootsʼantsʼat guuvah akoo tʼaheejaa gwitʼiiniidadhanh kwah ginuh.