Greenpeace Nunani avannarlerni

Qupperneq - juli 9, 2015
Greenpeacep Danmarkimi, Sverigemi, Finlandimi Norgemilu allaffeqarfii 1999-imi kattunneqarput Greenpeace Nordenilu pilersinneqarluni. Kattunneqarnerinut nunat avannarliit akornanni suleqatigiinnerup nukittorsarnissaa siunertarineqarpoq.

Greenpeace Norden tapersersuisutut 150.000-it missaannik ilaasortaqarpoq, taakkulu katillugit 100 millionit koruunit missaannik ukiumoortumik tunissuteqartarput. Greenpeace Nordenip Stockholmimi, Københavnimi, Oslomi Helsinkimilu allaffiini sisamaasuni inuit katillugit 130-it missaat sulisorineqarput. Tamatuma saniatigut namminneq kajumissutsiminnik suleqataasorpassuit Greenpeacemi suleqataapput paasititsiniaanermik suliniuteqarnermillu ingerlataqartarlutik.

Nunani avannarlerni katersuiniarlutik suliniaqatigiiffiit allat assingalugit Greenpeace ukiut tamaasa ukiumoortumik nalunaarusiortarpoq ukiup ingerlanerani suliarineqarsimasut aningaasaqarnikkullu naatsorsuutit saqqummiunneqartarlutik.