Taamaammat Kalaallit Nunaanni seqqortorsisarluni misileraasarnerit misissorpagagut

Nutaarsiassat - oktobari 20, 2015
Ukiarsariartuleraa Greenpeace-miit TGS NOPEC-imeersut norskiusut Tunup Avannaata imartaani sajuppillatsitsilluni misissuinerat qanimut malinnaavigineqarput.

Greenpeace-p umiarsuaa Arctic Sunrise uppernarsaallutik sumiiffimmiipput, assiliisarlutillu seqqornerit sakkortussusaat misissorlugit. Assit tupinnartut uani takusinnaavatit. 

Immaqa tupigisuutigisimavat sooq Greenpeacekkut misissuinerit pineqartut taamak isornartorsiorfigisimaneraat. Tamanna pillugu Sune Scheller-ip Jon Burgwald-illu blog-iini atuarsinnaavatit.

Paasisaqarnerorusukkuit Greenpeace-p tusarniutaa uani atuarsinnaavat allagarlu ilisimatusarnermut atasup Marine Conservation Research Ltd.-ip Greenpeace sinnerlugu suliarisimasaata naalisarnera uani atuarlugu.