Tunup avannaani sajuppillatsitsilluni misissuinissamik akuersissut arfernik ajoqusiisinnaavoq

Nutaarsiassat - aggusti 6, 2015
Kalaallit Nunaanni naalakkersuisut Tunup avannaata imartaani sajuppillatsitsilluni misissuinissamut akuersisimalerput. Akuersineq arfernut immamilu miluumasunut allanut ajoqusiisinnaasoq Kalaallillu Nunaanni uuliamik piiaanermik kinguneqartussaq isumaalunnarpoq. Greenpeace sumiiffimmut pineqartumut misissuinerit taamaattup kingunerisinnaasaanik qaammarsaajartorluni ingerlaarpoq.

Ullumikkumiit TGS-NOPEC Geophysical Company ASA (TGS) Tunup avannaata imartaani ilaatigut qilalukkap qernertap, aarrup arfiviullu sumiiffianni sajuppillatsitsinikkut misissuillutik aallarteriaannaapput. Uuliasiornermi sajuppillatsitsineq aallarniutaasarpoq. TGS-ikkut nipip maligaasai 259 dB-imik sakkortussusillit atorlugit 10.000 km-erinik isorartutigisumi immap naqqanut aallartitsisarput, immap naqqata ataa uuliaqarnersoq gas-eqarnersorluunniit misissorniarlugu. Tamannalu piffinni misissuiffiusuni uumasunut kingunipilutsitsisinnaavoq.

”Kalaallit Nunaata Naalakkersuisuisa uumasut nungoratarsinnaasut, soorlu qilalugaq qernertaqarfinni arfiveqarfinnilu sajuppillatsitsineq atorlugu misissuinissamut akuersisimanerat isornartoqartipparput. Uumasut nungunnissaat uuliasiornermit pingaarnerussagaluarpoq,” Jon Burgwald, Greenpeace-ip issittumi oqartussaasuat oqarpoq.

28. aggusti 2015

Pod of Narwhals in Greenland © Greenpeace/Jason Box

 

Kalaallit Nunaata naalakkersuisui sumiginnaapput
Ukiut tallimassaat Naalakkersuisut TGS-imut sumiiffimmi tassani sajuppillatsitsinikkut misissuinissamut akuersipput. Sumiiffik Naalakkersuisut namminneq sumiiffittut aarlerinartutut isigivaat (area of concern) qilalukkallu qernertat aarrillu piniaqqusaanngiffiinut misissuiffissat qanittuaniiilluni.

”Naalakkersuisut naliginnaasiorput ukiut tamaasa sajuppillatsitsillutik misissuinernut, uumasunut qanoq kunguneqarsinnaaneranik misissuisoqaqqaartinnagu, akuersissutigisarmatigit – allaat sumiiffinni piniarfigeqqusaanngitsuni. Sajuppillatisitsinerit uumasunut ajoqusiinnginnissaannut tunngavissaqanngillat. Naalakkersuisut pisussaapput Kalaallit Nunaata pinngortitaa illersussallugu, tamannalu akisussaaffik sumiginnarpaat.”

Greenpeace Kalaallit Nunaannit ingerlaarput sajuppillatsilluni misissuinerit qanimut malinnaaviginiarlugit. Aggust-ip 19.-ani Arctic Sunrise Nuummut tulassaaq, umiarsuarlugu soqutiginnittunut ammatissallugu. Tamanna pereerpat Arctic Sunrise avalaqqissaaq Tunup avannaata imartaanut sajuppillatsitsilluni misissuinerit ingerlannerqarfissaanut ingerlaassalluni.