Dwarna

Greenpeace hija organizzazzjoni indipendenti li tikkampanja biex tiżgura ambjent ġust , paċifiku u sostenibbli għall-ġenerazzjonijiet tal-futur. L-azzjonijiet huma aktar b’saħħithom mill-kliem, b’hekk azzjonijiet diretti u mhux vjolenti huwa fil-qalba tal-kampanji tal-Greenpeace. Matul dawn l-aħħar snin, dawn l-azzjonijiet bdew jinkludu wkoll xogħol ta’ pressjoni politika u riċerka biex jiġu esposti l-problemmi ambjentali u biex issir pressjoni ħalli jinstabu soluzzjonijiet.

Greenpeace International bdiet fil-Kanada fl-1971 u llum għandha preżenza f’aktar minn 41 pajjiż u aktar minn 2.65 miljun membru mad-dinja kollha.

Greenpeace Mediterranean waqfu l-ewwel uffiċċju tagħhom f’Malta fl-1995, biex twaqqaf bażi għall-koordinazzjoni ta’ attivitajiet tal-Greenpeace fl-Albanija, l-Alġerija, it-Tuniżija, Ċipru, l-Eġittu, l-Iżrael, il-Libanu, il-Libja, l-Marokk, Malta, is-Sirja, it-Turkija u l-Awtorità Palestinjana. Issa qegħdin nikkampanjaw attivament minn bażijiet f’Istanbul, Tel-Aviv u Bejrut.

Il-kampanji fir-reġjun tal-Mediterran ivarjaw minn dawk għall-preżervazzjoni ta’ l-ambjent permess tas-salvazzjoni tal-Baħar tal-Mediterran, is-sostituzzjoni ta’ power stations li jużaw il-karburanti b’sorsi ta’ enerġija li jiġġeddu għall-promozzjoni ta’ Enerġija Paċifika u l-promozzjoni ta’ futur sostenibbli billi niġġieldu kontra l-iskart fil-Mediterran.