Dia 11 di yan\u00fcari 2024, 8 habitante di Boneiru i Greenpeace Hulanda a demand\u00e1 Estado
Hulandes pa falta di un maneho di klima. Den e art\u00edkulo ak\u00ed nos ta trata e argumentashon legal
ku ta forma e base di e kaso di klima. Bo ke lesa e dagvaarding mes? Wak te abou na e p\u00e1gina
ak\u00ed. Bo ke sosten\u00e9 e kaso di klima? Klek aki.<\/p>\n\n
Kambio di klima ta forma un gran menasa pa tur siudadano Hulandes. Habitantenan di Boneiru
ta \u00e8kstra vulnerabel pa e konsekuensianan di kambio di klima, mas vulnerabel ku hopi otro
hende na Hulanda. Esei ta pa motibu di e gran emishon di gasnan ku efekto di broeikas i e falta
di maneho di parti di nos gobi\u00e8rnu. E efektonan di kambio di klima ya ta ser not\u00e1 kaba i lo
kambia bida na Boneiru permanentemente.<\/p>\n\n
Ounke Boneiru ta un munisipio spesial di Hulanda, e siudadanonan no ta ser proteh\u00e1 igual. Na
Hulanda Europeo ta tuma medidanan kontra e peligernan ku ta keda kous\u00e1 pa riunan ku ta
desbord\u00e1, deiknan da\u00f1\u00e1, sekura i yobida fuerte. Komo gran manehad\u00f3 di awa, Hulanda tin e
konosementu i eksperensia pa proteh\u00e1 hende kontra awa. Pa Hulanda Europeo, tin por
eh\u00e8mpel un Strategia di Adaptashon na Klima, un Plan Delta, i un Programa di Awa. Anto tin
tambe finansiamentu pa medidanan di protekshon. Pero pa Boneiru, gobi\u00e8rnu Hulandes no tin
plannan konkreto pa protekshon. Meimei di e kr\u00edsis di klima, esaki ta iresponsabel.
Hendenan na Boneiru ta eksperensiando awor kaba efektonan di kambio di klima, manera por
eh\u00e8mpel oumento di kalor i inundashonnan. Agrikultornan i piskad\u00f3nan ta nota ku kosechanan i
peska ta desepshonante i kalor ta afekt\u00e1 spesialmente hendenan vulnerabel manera grandinan
i enfermonan pa loke ta trata nan sal\u00fa. Nan ta mira ku nan ambiente di biba ta kambia i nan ta
preokup\u00e1 pa futuro di e siguiente generashonan.<\/p>\n\n
Estado Hulandes tin e obligashon di proteh\u00e1 Boneiru i su poblashon di un forma adeku\u00e1 kontra
e konsekuensianan di kambio di klima, dor di tuma medidanan di adaptashon. Un kondishon pa
esaki ta ku mester kombat\u00ed e gran pobresa i oument\u00e1 resiliensia di e hendenan. E medidanan i
plannan mester ser trah\u00e1 huntu ku hendenan di Boneiru i bas\u00e1 riba siensia.
Ademas, Estado Hulandes mester aport\u00e1 su parti pa para kambio di klima, sino lo ta manera
dueila ku kranchi habr\u00ed. Esaki a keda palabr\u00e1 tambe mundialmente den e akuerdo di klima di
Paris. Tur pais mester karga nan responsabilidat i kumpli ku nan parti hustu pa manten\u00e9 e
kalentamentu bou di 1.5 grado. Estado Hulandes tambe tin e responsabilidat ei.<\/p>\n\n
Sient\u00edfikonan ta di akuerdo ku si tene kuenta ku e emishonnan hist\u00f3riko di gasnan ku efekto di
broeikas, Hulanda no tin mag di saka niun emishon mas for di awor. Hulanda a saka asina tantu
emishon den pasado, ku tur emishon \u00e8kstra ta inhustu. Hulanda mester redus\u00ed su emishonnan
te na sero mas lih\u00e9 posibel. Diferente investigashon ta mustra ku ta posibel i alkansabel pa
redus\u00ed e emishonnan na Hulanda te na sero pa mas tard\u00e1 na 2040. Esei ta 10 a\u00f1a mas lih\u00e9 ku
Hulanda tin plani\u00e1 aktualmente. Te ku e ora ei, Hulanda mester kompens\u00e1 su mes emishonnan
dor di yuda otro paisnan ku redukshon di nan emishonnan.<\/p>\n\n
Esaki ta loke e 8 demandantenan individual di Boneiru i Greenpeace Hulanda ta eksig\u00ed den e
Kaso di Klima di Boneiru. Estado Hulandes ta komet\u00e9 un akto kontra lei pa ku e habitantenan di
Boneiru. Un pais ta komet\u00e9 un akto kontra lei ora e ta hasi algu ku (\u00f2f no ta hasi nada, loke) no
ta p\u00e8rmit\u00ed segun lei. E falta di un maneho efektivo di klima ta un violashon di derechonan
humano, i spes\u00edfikamente e derecho di bida i bida familiar (respektivamente art\u00edkulo 2 i 8 di e<\/p>\n\n
Tratado Europeo pa Derechonan Humano (Europees Verdrag voor de Rechten van de Mens,
(EVRM)), e prohibishon di diskriminashon (art\u00edkulo 14 EVRM) i e derecho di tin kultura (art\u00edkulo
27 di e Tratado Internashonal di Derechonan Siv\u00edl i Pol\u00edtiko (Internationaal Verdrag Inzake
Burgerrechten en Politieke Rechten (IVBPR)).<\/p>\n\n
A base di Art\u00edkulo 2 i 8 di EVRM estado Hulandes mester tuma sierto medidanan si tin peliger
pa bida, bienestar i bida priv\u00e1 di su habitantenan. i garantis\u00e1 ku hendenan por tin un bida priv\u00e1
i familiar. Den hustisia tin pon\u00e9 ku kambio di klima ta trese sierto peligernan.
Bas\u00e1 riba e art\u00edkulonan ak\u00ed, Estado Hulandes tin obligashon di hasi \u2018su parti\u2019 pa evit\u00e1 kambio di
klima peligroso (\u2018Mitigashon\u2019). Ademas Estado Hulandes mester tuma medidanan di protekshon
pa atend\u00e9 ku e konsekuensianan pa hende (\u2018Adaptashon\u2019). Estado Hulandes no ta kumpliendo
ku e obligashonnan ak\u00ed, pasobra e no ta hasi sufisiente kontra konsekuensia di kambio
klimatol\u00f3giko aktual i binidero. E efektonan riba bida di hende na Boneiru ta grandi kaba i e lo
bira mas grandiose nada no w\u00f2rdu hasi. Kambio di klima ta menas\u00e1 nan kosto di bida, nan sal\u00fa,
nan herensia kultural i e posibilidat pa futuro generashonnan por sigui biba na Boneiru riba e
manera di kustumber.<\/p>\n\n
Ku esaki art\u00edkulo 27 di IVBPR tambe ta ser viol\u00e1, banda di art\u00edkulo 2 i art\u00edkulo 8. E habitantenan
di Boneiru ta un minoria i nan tin un kultura i historia ku raisnan profundo. E negligensia di
Estado Hulandes pa tuma medidanan kontra kambio di klima ta forma un peliger serio pa e
kultura ak\u00ed.<\/p>\n\n
Por \u00faltimo e prohibishon di diskriminashon, art\u00edkulo 14 di EVRM, tambe ta ser viol\u00e1 pasobra ta
hasi distinshon ileg\u00edtimo entre siudadanonan, konsiderando ku gobi\u00e8rnu Hulandes tin hopi plan i
medidanan pa proteh\u00e1 siudadanonan na Hulanda Europeo, pero esakinan no ta konta pa
siudadanonan na Hulanda Karibense. Esaki ta nifika ku tin desigualdad entre habitante di
Boneiru i habitante di Hulandes Europeo (por lo m\u00e9nos a base di lug\u00e1 di biba) kaminda ta trata
eprotekshonku estado Hulandes ta ofres\u00e9 kontra di e konsekuensianan di kambio di klima.
E derechonan humano ak\u00ed mester ser proteh\u00e1 pa asina futuro generashonnan i nos mes por
sigui biba di un manera sigur i pasa nos tradishonnan i kultura pa otro – sea ku bo ta biba na
Boneiru, Ameland \u00f2f na Valkenburg.<\/p>\n\n
Akibanda\/akibou bo por lesa e dagvaarding. Den e dagvaarding ak\u00ed ta trata e echonan
relashon\u00e1 ku e historia i karakter\u00edstikanan di Boneiru, kambio di klima i adaptashon, mitigashon
i e parti hustu, esta \u2018fair share\u2019. Despues ta argument\u00e1 den e kuadro legal kiko ta e relashonnan
konstitushonal i obligashonnan di derecho humano ku Estado Hulandes tin pa ku e hendenan
na Boneiru. Despues di esaki ta sigui e eksigensianan.<\/p>\n\n