{"id":73484,"date":"2026-01-28T23:17:57","date_gmt":"2026-01-28T22:17:57","guid":{"rendered":"https:\/\/www.greenpeace.org\/nl\/?p=73484"},"modified":"2026-01-28T23:23:42","modified_gmt":"2026-01-28T22:23:42","slug":"avanse-importante-pa-boneiru-i-greenpeace-den-kaso-di-klima","status":"publish","type":"post","link":"https:\/\/www.greenpeace.org\/nl\/eerlijke-wereld\/73484\/avanse-importante-pa-boneiru-i-greenpeace-den-kaso-di-klima\/","title":{"rendered":"Avanse importante pa Boneiru i Greenpeace den Kaso di Klima"},"content":{"rendered":"\n

Korte ta oblig\u00e1 Estado Hulandes na bini ku metanan di klima nobo i hustu i tambe medidanan pa proteh\u00e1 Boneiru\u00a0<\/em><\/strong><\/p>\n\n

Den Haag, 28 di yan\u00fcari 2026 – E maneho di klima di Estado Hulandes ta viol\u00e1 derechonan humano di habitantenan di Boneiru i ta diskrimin\u00e1 kontra nan. Asina Korte di Den Haag a dikta den e veredikto di e Kaso di Klima di ocho habitante di Boneiru i Greenpeace kontra Estado Hulandes. Korte ta orden\u00e1 Estado Hulandes pa traha un plan di klima i tuma medida pa proteh\u00e1 Boneiru den e kr\u00edsis di klima pa mas tard\u00e1 na 2030. Esaki ta e prom\u00e9 biaha ku un korte na Europa ta oblig\u00e1 un pais pa bini ku medidanan di protekshon. Ademas den 18 luna Gobi\u00e8rnu Hulandes mester pone metanan nobo di klima ku ta legalmente obligatorio pa henter e ekonomia Hulandes pa asina redus\u00ed e emishon di gasnan ku efekto di <\/strong>broeikas<\/em><\/strong> i duna un kontribushon hustu na e meta di limit\u00e1 kalentamentu mundial na un m\u00e1ksimo di 1.5 grado Celsius.<\/strong><\/p>\n\n

Marieke Vellekoop, direktor di Greenpeace Hulanda: \u2018Esaki ta realmente un viktoria hist\u00f3riko. Hendenan na Boneiru porfin ta ha\u00f1a rekonosementu ku gobi\u00e8rnu ta diskrimin\u00e1 kontra nan i mester proteh\u00e1 nan kontra e kalor ekstremo i nivel di laman ku ta subiendo. Ademas Estado Hulandes mester bini ku metanan nobo di klima pa kontribu\u00ed ku su parti hustu pa keda bou di 1.5 grado di kalentamentu. Esei ta nifik\u00e1 ku e emishon Hulandes di gasnan ku efekto di broeikas <\/em>mester baha muchu mas lih\u00e9. Esaki ta un avanse masha grandi. E maneho di klima aktual no ta sufisiente, i e gabinete no por sigui mas ku un maneho di klima ku ta frakas\u00e1. Prom\u00e9 Minister entrante Jetten mester pone e veredikto ak\u00ed riba mesa di formashon awe nochi mes i s\u00f2ru pa pone finansiamentu disponibel pa medidanan di protekshon na Boneiru i un maneho di klima adeku\u00e1.\u2019<\/p>\n\n

Boneiru ya kaba ta eksperensiando e konsekuensianan di e kr\u00edsis di klima<\/strong><\/p>\n\n

Korte a determin\u00e1 ku hendenan na Boneiru ta sufriendo hopi dor di kambio di klima i ku Hulanda tabata sa pa d\u00e9kadanan kaba ku Boneiru ta partikularmente vulnerabel.  Korte a dikta ku Estado Hulandes no a tuma medidanan apropi\u00e1 na tempu: e temperatura ya ta na un nivel demasiado haltu ku no ta bon pa sal\u00fa di hende, inundashonnan ta oumentando, i pa 2050 un parti di Bonaire ya por result\u00e1 bou di awa. Korte a pone tambe hopi atenshon na e impakto riba e kultura \u00faniko di e hendenan di Boneiru.<\/p>\n\n

Kambio di klima ta menas\u00e1 herensia kultural tangibel manera e kasnan di katibu, pero tambe okupashonnan tradishonal manera piskamentu i agrikultura. Hopi hende na Boneiru ta biba den pobresa i ta partikularmente vulnerabel pa e efektonan di kambio di klima. Un plan di protekshon mester tene kuenta ku tur e elementonan ak\u00ed i mester duna un nivel di protekshon ku ta den proporshon ku e situashon serio na Boneiru.<\/p>\n\n

Onnie Emerenciana, demandante den e Kaso di Klima di Boneiru: \u2018Mi ta masha kontentu mes. Awe nos ta marka historia. Porfin Den Haag no por ignor\u00e1 nos mas. Awe korte ta hala un li\u00f1a den santu. Nos bida, nos kultura, i nos pais ta ser tum\u00e1 na serio. Estado Hulandes no por bira kara e otro banda mas. E siguiente paso awor ta pa pone s\u00e8n i ekspertisio disponibel pa bini ku plannan di akshon konkreto pa proteh\u00e1 nos isla. Di b\u00e8rdat nos mester hasi esaki huntu; Boneiru no por solushon\u00e1 esaki su so.\u2019<\/p>\n\n

Veredikto pionero internashonal<\/strong><\/p>\n\n

E kaso ak\u00ed ta pone un presedente ku relevansia mundial. Ta prom\u00e9 biaha na Europa ku un korte ta dikta ku un pais mester tuma medidanan konkreto pa proteh\u00e1 hende kontra e konsekuensianan di kambio di klima.  Anteriormente Korte Internashonal di Hustisia na Den Haag a dikta ku estadonan mester manten\u00e9 kalentamentu mundial bou di 1.5 grado Celsius i ku nan plannan di klima mester demostr\u00e1 ambishon m\u00e1ksimo, teniendo na kuenta e emishonnan hist\u00f3riko i nivel di prosperidat. Esaki ta e prom\u00e9 kaso di klima den kua e verediktonan internashonal ak\u00ed a keda aplik\u00e1.<\/p>\n\n

Michael Bacon, un abogado di Kennedy Van der Laan: \u2018Den e sentensia ak\u00ed korte a hasi eksaktamente loke un hues independiente den un estado di derecho demokr\u00e1tiko mester hasi: pone na prueba e maneho nashonal kompar\u00e1 ku derecho nashonal i internashonal, i spes\u00edfikamente derechonan humano. Korte a dikta korektamente ku maneho di klima Hulandes no ta kumpli ku akuerdonan internashonal. Awor ta keda na Estado Hulandes pa bini ku un mih\u00f3 maneho di klima.\u2019<\/p>\n\n

Gobi\u00e8rnu mester kumpli ku su obligashonnan<\/strong><\/p>\n\n

Gobi\u00e8rnu mester aktua mesora riba e veredikto ak\u00ed: \u201cE gabinete nobo di Jetten mester opta pa solushonnan hustu ku ta benefisi\u00e1 tur hende. Pasobra ku metanan nobo i mas estrikto pa klima, lo mester redus\u00ed e emishonnan di CO2 mas lih\u00e9 posibel. E gabinete di Jetten no por evit\u00e1 di implement\u00e1 un impuesto riba CO2, di manera ku kontaminad\u00f3nan grandi ta kumins\u00e1 paga pa nan polushon, i asina realmente por redus\u00ed e emishon di CO2.\u201d E veredikto ak\u00ed ta un oportunidad pa invert\u00ed den un futuro limpi, b\u00e8rd\u00e8 i pagabel pa tur hende\u201d, asina Marieke Vellekoop a duna di konos\u00e9.<\/p>\n\n

Kaso di Klima di Boneiru<\/strong><\/p>\n\n

Riba 11 di yan\u00fcari 2024, habitantenan di Boneiru i Greenpeace a bai korte pa eksig\u00ed un maneho di klima hustu di Estado Hulandes, despues ku investigashonnan anterior bou di enkaro di Greenpeace Hulanda a mustra ku e kr\u00edsis di klima ya ta afektando bida diario na Boneiru.  E seshonnan den korte a tuma lug\u00e1 dia 7 i 8 di \u00f2ktober 2025, kaminda e ocho demandantenan tabata presente. Greenpeace a keda represent\u00e1 den e kaso ak\u00ed pa abogadonan di Kennedy van der Laan i Prakken d\u2019Oliveira.<\/p>\n\n

<\/p>\n\n

Pa mas informashon:<\/strong><\/p>\n\n

Laura Polderman \u2013 ofisial di prensa di Greenpeace <\/p>\n\n

+31 (0)6 2900 1140 – laura.polderman@greenpeace.org<\/a><\/p>\n\n

Greenpeace su number general pa prensa: +31 (0)6 2129 6895<\/p>\n\n

Download aki<\/a> e im\u00e1gennan di e kaso den korte. <\/p>\n\n

Bo ke keda na altura i risib\u00ed updates<\/em> tokante e Kaso di Klima di Boneiru? Aw\u00e8l forma parti di e grupo di Whatsapp ak\u00ed<\/a> pa periodista. <\/p>\n","protected":false},"excerpt":{"rendered":"

Korte ta oblig\u00e1 Estado Hulandes na bini ku metanan di klima nobo i hustu i tambe medidanan pa proteh\u00e1 Boneiru <\/p>\n","protected":false},"author":24,"featured_media":73458,"comment_status":"closed","ping_status":"closed","sticky":false,"template":"","format":"standard","meta":{"ep_exclude_from_search":false,"p4_og_title":"","p4_og_description":"","p4_og_image":"","p4_og_image_id":"","p4_seo_canonical_url":"","p4_campaign_name":"","p4_local_project":"","p4_basket_name":"","p4_department":"","footnotes":""},"categories":[130],"tags":[127,122],"p4-page-type":[14],"class_list":["post-73484","post","type-post","status-publish","format-standard","has-post-thumbnail","hentry","category-eerlijke-wereld","tag-klimaat","tag-bonaire-climate-justice","p4-page-type-pers"],"_links":{"self":[{"href":"https:\/\/www.greenpeace.org\/nl\/wp-json\/wp\/v2\/posts\/73484","targetHints":{"allow":["GET"]}}],"collection":[{"href":"https:\/\/www.greenpeace.org\/nl\/wp-json\/wp\/v2\/posts"}],"about":[{"href":"https:\/\/www.greenpeace.org\/nl\/wp-json\/wp\/v2\/types\/post"}],"author":[{"embeddable":true,"href":"https:\/\/www.greenpeace.org\/nl\/wp-json\/wp\/v2\/users\/24"}],"replies":[{"embeddable":true,"href":"https:\/\/www.greenpeace.org\/nl\/wp-json\/wp\/v2\/comments?post=73484"}],"version-history":[{"count":2,"href":"https:\/\/www.greenpeace.org\/nl\/wp-json\/wp\/v2\/posts\/73484\/revisions"}],"predecessor-version":[{"id":73486,"href":"https:\/\/www.greenpeace.org\/nl\/wp-json\/wp\/v2\/posts\/73484\/revisions\/73486"}],"wp:featuredmedia":[{"embeddable":true,"href":"https:\/\/www.greenpeace.org\/nl\/wp-json\/wp\/v2\/media\/73458"}],"wp:attachment":[{"href":"https:\/\/www.greenpeace.org\/nl\/wp-json\/wp\/v2\/media?parent=73484"}],"wp:term":[{"taxonomy":"category","embeddable":true,"href":"https:\/\/www.greenpeace.org\/nl\/wp-json\/wp\/v2\/categories?post=73484"},{"taxonomy":"post_tag","embeddable":true,"href":"https:\/\/www.greenpeace.org\/nl\/wp-json\/wp\/v2\/tags?post=73484"},{"taxonomy":"p4-page-type","embeddable":true,"href":"https:\/\/www.greenpeace.org\/nl\/wp-json\/wp\/v2\/p4-page-type?post=73484"}],"curies":[{"name":"wp","href":"https:\/\/api.w.org\/{rel}","templated":true}]}}