E futuro di Bonèiru

E mundu ta birando mas kalor i e nivel di laman ta subi rápidamente. Si nos no hasi nada, Bonèiru lo haña sla masha duru dor di kambio di klima. E gabinete mester tuma akshon mesora pa protehá e isla i su habitantenan.

Firma e karta pa Mark Rutte

🇳🇱 Klik hier voor Nederlands 🇳🇱

Kambio di klima ta menasá na dal Bonèiru hopi duru

Hopi habitante di Bonèiru ta biba den áreanan ku ta nèt riba nivel di laman. E punta sur di  Bonèiru ta keda masha abou i e kapital Kralendijk ta nèt na laman. E awa ku ta subi dor di kambio di klima ta forma un menasa serio pa Bonèiru i su habitantenan. 

Investigashon ta mustra ku un kinto parti di Bonèiru ta ser menasá na bai bou di awa, dor di subida di nivel di laman na fin di e siglo akí. Refnan di koral, ku ta fungi komo un kibra-ola natural, ta disparsé i olanan di kalor lo oumentá. Dor di esaki, bida pa hendenan ku ta biba riba e isla nunka mas lo no ta meskos.

E bon notisia? Nos por hasi algu n’esaki ainda.

Bista riba e kasnan di hendenan esklablisá oraño (originalmente gél oker) kantu di kosta sùitwèst di Bonèiru. © Marten van Dijl / Greenpeace

Resumiendo e echonan

Vrije Universiteit Amsterdam (VU) a hasi investigashon pa Greenpeace tokante e konsekuensianan di kambio di klima riba Bonèiru i su habitantenan. Si nos no hasi nada, eseinan lo ta grandi:

  • Gran partinan di e isla ta kore riesgo di bai bou di awa permanentemente;
  • Hopi koral i sitionan popular di sambuyá rònt Bonèiru lo por disparsé den e dékadanan benidero kaba;
  • Pa motibu di wer ekstremo i olanan di kalor, habitantenan di Bonèiru lo haña nan konfrontá ku kantidatnan kresiente di kasonan di malesa i morto;

Tur esaki lo tin gran impakto riba bida di hendenan na Bonèiru, riba ekonomia i herensia kultural.

Lesa e echonan mas importante di e investigashon.

Gabinete, protehá Bonèiru!

Sea nos ta biba na Terschelling, Bonèiru òf na Valkenburg, mayoria hende ke pa nos gobièrnu protehá nos futuro. Gobièrnu tin e konosementu i e plannan pa protehá mayoria di nos kontra kambio di klima, pero e plannan ei ta leu for di adekuá pa e habitantenan di Bonèiru.

Mas kayente mundu bira, mas radikal i ireversibel e konsekuensianan pa Bonèiru lo ta.

Si e investigashon ta suprayá algu, ta ku nos mester hasi tur loke ta posibel pa limitá kambio di klima mas tantu posibel, dor di redusí emishon di gasnan ku efekto di ‘broeikas’ mas lihé posibel i hasi esaki bira sero.

E gabinete mester tuma akshon pa protehá e hendenan ku ta biba na Bonèiru tambe. Ta p’esei nos lo bai korte ku habitantenan di Bonèiru huntu ku Greenpeace pa eksiguí akshon ambiental pa e isla.

🎥 E futuro di Bonèiru

Nos a papia ku sinku habitante di Boneiru tokante e kambio di klima, e konsekuensianan pa e isla i nan bida.

Kitesùrfer Christiaan Zweers

Artista Jackie Bernabela

Arkeólogo Jay Haviser

Historianan di Bonèiru

Nos a traha i kolekshoná diferente artíkulo, podcast i video pa bo tokante e konsekuensianan di kambio di klima pa habitantenan di Bonèiru i otro islanan. Lesa mas i tuma akshon huntu ku nos.

Artíkulonan relashoná i komunikadonan di prensa