最新消息

Homepage主頁

如何支持

專題報導 氣候
5 mins

問問氣候科學家!小伙子的4條氣候大學問

作者: 綠色和平

香港疫情漸趨緩和,學校復課在即,而《Lance X Greenpeace氣候教室》亦同步開學,並邀請香港中文大學地球系統科學課程副教授戴沛權(Amos),為11歲氣候行動者劉衍一(Lance)與兩位同學Bryan與Omeo親授一門「氣候科學101」。即使越級挑戰,3位小朋友提出的氣候危機大學問絕不「小學雞」,更為你我應對極端天氣與全球暖化帶來不少啟示!

Lance(左起)、戴沛權教授、Bryan和Omeo,透過氣候教室從科學角度認識氣候危機,繼而一起行動拯救氣候! © Greenpeace
Lance(左起)、戴沛權教授、Bryan和Omeo,透過氣候教室從科學角度認識氣候危機,繼而一起行動拯救氣候! © Greenpeace

課堂一開始,戴教授先來兩條熱身問題:大家是否覺得香港愈來愈熱?近年是否多了極端天氣現象?3位小朋友不約而同舉起手上的剔號紙牌,舉例也相當有紋有路!Omeo提起颱風與其引起的風暴潮愈見頻繁,Bryan說到澳洲、美國加州及亞馬遜森林均有大火肆虐;Lance則回顧上次氣候教室攀山運動家黃偉建於洛子峰直擊的雪崩危機:「喺喜馬拉雅山,有村民以前會喺冰川入面玩,而家就唔敢,因為驚冰川一融,就會成舊砸落嚟。」

1 海平面會上升幾多?香港邊啲地方會被淹浸?

熱身完畢,問問氣候科學家環節正式開始!「海平面上升」一詞近年老是常出現,但對香港有何實質影響?戴教授指出,目前氣候科學家預測2050年海平面將上升0.5米(範圍0.25-0.75米),而2100年則上升約1米,屆時香港很多海灘與近岸陸地勢遭浸沒,還有更大的風暴潮危機,就像兩年前「山竹」吹襲過後的杏花邨:「當海平面上升,水浸就會更嚴重;每次有颱風嚟嘅時候,就更容易有大規模水浸情況出現。」至於維多利亞港因海岸地勢較高,未必會完全浸沒,但部份地方仍有可能水浸。

【#本週焦點-海平面上升會唔會浸咗香港?】海平面上升一米究竟會為我地日常生活帶嚟幾大影響?維港兩岸又會唔會被淹沒?Lance同佢嘅同學仔喺氣候教室度問咗戴沛權教授相關嘅問題。想知更多佢哋仲傾咗乜嘢氣候議題,🎥立即足本重溫 Lance X...

Posted by Greenpeace 綠色和平 - 香港網站 on Sunday, September 13, 2020

2 全球升溫幾多度,就會出現無法逆轉情況?

2°C、2.5°C、5°C?3位小朋友均交出不同答案,戴教授也指存在不確定因素:「過往幾十年,氣候科學家同大家講:2°C基本上係無可逆轉嘅指標,但近年發覺呢個標準仲係太鬆:而家我哋希望令地球升溫唔超過1.5°C。」自工業革命以來,地球氣溫已經上升最少1°C,他坦言按目前趨勢,超標似乎在所難免。

那地球是否已告「玩完」?戴教授就指未到毀滅地步,但炎熱狀態會令生存更困難,尤其若人類袖手旁觀,使世紀末升溫5°C的噩夢成真,所有自然災害均會頻繁發生,直接影響生活、健康與經濟活動……而我們目前仍有機會,盡力控制升溫於1.5°C至2°C之間,別讓最壞結局出現!

雖是模擬氣候教室,但拍攝過程絕非講玩,3位小朋友也十分認真聆聽戴教授分享! © Greenpeace
雖是模擬氣候教室,但拍攝過程絕非講玩,3位小朋友也十分認真聆聽戴教授分享! © Greenpeace

3 香港會直接受邊啲極端天氣侵襲?

那邊廂水災、旱災侵襲世界各地,這邊廂香港人最切身感受的極端天氣,可能是持續熱浪屢破紀錄。戴教授指出到2050年,預計香港整個夏天的氣溫都會維持33°C或以上,而長者、幼童、呼吸道疾病患者及貧窮人口將首當其衝,承受健康風險。

除了上文提到的強勁風暴潮,氣候科學家亦展望,未來吹襲香港的強颱風將會更多、更具威力:「更熱嘅海洋,會令熱帶氣旋更強勁,將來十號風球或更強勁風暴可能會更頻繁。」

4 會唔會有更多氣候相關嘅震撼數據?

2100年後,冬天唔會再凍?
香港整體氣溫的確會愈來愈熱,冬天亦會變得更暖,但天氣往往有一定自然波幅;也因氣候變化緣故,落差將會更反覆。

每日有150至200種生物瀕臨滅絕!
連同氣候變化、人為土地利用、污染、開墾森林等因素,本世紀末全球料有三分一物種被滅絕。而我們目前經歷的「第6次大滅絕」(The Sixth Extinction),亦與以往5次有明顯分別,可謂史無前例:「今次係單一物種──即係我哋人類,導致成個地球物種大滅絕。另外,以前滅絕係講緊幾萬、幾十萬甚至幾百萬年慢慢滅絕,但今次係講緊短短100至200年內。」

Bryan畫出的Planet B,以傳送器、吊橋甚至隕石代步,亦有太陽能板與風力發電設施,發展可再生能源。 © Greenpeace
Bryan畫出的Planet B,以傳送器、吊橋甚至隕石代步,亦有太陽能板與風力發電設施,發展可再生能源。 © Greenpeace

每年10-20萬人因氣候變化死亡!
氣候危機的確會「殺人」,箇中原因包括熱浪、各種自然災害及熱帶疾病等。而面對氣候變化、海平面上升、陸地淹浸等被迫逃難的「氣候災民」,每年更多達數以百萬計,比蒙受戰火、暴力的難民數目多出幾倍;一旦海平面上升達1.5米,屆時全球更將有過億人被迫離開家園。

2050年,全球農作物將減產10至20%!
耕種仰賴天時地利,水災、旱災、熱浪等極端天氣,自然對農作物生產造成沉重打擊。那糧食供應主要倚賴進口的香港呢?最直接影響,就是過去10至20年,糧食價格升幅已超越通漲!

他們的日常環保功課~

Omeo

  • 少開冷氣
  • 多搭公共交通工具
  • 節約用水,刷牙時要閂水喉!

Lance

Bryan

  • 多菜少肉,減少牲畜釋出甲烷及肉類生產過程排放的溫室氣體

戴教授

  • 減少消費需求,自然能減少生產過程中的碳排放、物料消耗
  • 推動市民、政府通力合作,將化石燃料經濟體系改為以可再生能源為基礎
Omeo心目中的Kepler 22b星球,位於數個光年之外, 有河流、大廈與風能、太陽能發電設施。 © Greenpeace
Omeo心目中的Kepler 22b星球,位於數個光年之外, 有河流、大廈與風能、太陽能發電設施。 © Greenpeace

畫出虛擬Planet B 珍惜地球唯一家園

落堂鐘聲響起,不如來多一個課外活動?戴教授邀請3位小朋友發揮想像力,繪畫並設計一個沒有氣候危機的Planet B;其中Lance的「BYOBSC6」,名字源於你我出街都可自備的購物袋、水樽、食物盒、餐具、水杯與飲管,也融入了他的環保理念:「將氣候變化加入教育,可以多上網研究氣候變化議題,亦可以推廣綠色建築,有植物外牆(垂直綠化)等環保元素。」

雖然地球不像白紙一樣可以推倒重來,現今科技亦未找到身處藍色星球以外的Planet B,戴教授卻深受3位環保小鬥士鼓舞並滿懷希望,也期望作為大人的你我付諸行動,盡力珍惜、愛護地球這個唯一家園。「希望大家都可以透過我哋嘅分享,一齊實踐低碳生活,好好應對氣候危機!」

【Lance X Greenpeace氣候教室 】

【#本週焦點-Lance X Greenpeace氣候教室 】開學啦!11歲氣候行動者Lance,同兩位關心氣候變化嘅同學仔Bryan同Omeo,越級上咗一堂氣候課🌎!我哋好高興邀請到香港香港中文大學地球系統科學課程嘅戴沛權副教授,為3位小朋友👦🏻解答咗好多氣候變化嘅問題,教授仲大讚小朋友都非常有創意👍,令佢呢位成年人都覺得我地呢個地球有希望!仲想知佢地傾咗乜嘢氣候議題?立即去片👇🙋🏻‍♀️🙋🏻‍♂️🙋🏻‍♀️一齊聯署 加入守護氣候行列👉 https://act.gp/2ZINB9B#凝聚小力量拯救大氣候 #氣候危機---------------------------------------------立即Follow綠色和平Instagram👉 http://bit.ly/2Vs7XQj馬上訂閱綠色和平YouTube Channel👉 https://bit.ly/2DpvL3p為維持公正獨立,綠色和平從不接受政商界資助,只依靠你一樣熱心市民捐款支持👉https://act.gp/2ToVoDw

Posted by Greenpeace 綠色和平 - 香港網站 on Friday, September 11, 2020