最新消息

Homepage主頁 v2018

如何支持

專題報導 塑膠
4 mins

走塑共學堂第一課 教你改變社區4大心法

作者: 綠色和平

何謂「改變」何謂「社區」?似乎毋須多花唇舌解釋,但兩者加起來:改變社區……點做好?綠色和平早前舉行「綠色社區點做起?達人同你渾身解塑」網上共學教室,邀請祼買店「日常豊作」店主李秀平(Ann)及前大埔區議員連桷樟(Dalu),向超過100位學員傳授社區行動心得,揭開走塑共學堂序幕。一連四堂工作坊快將截止報名,你也來齊學齊試,建構理想中的走塑社區!

報名參加 2021「社區走塑工作坊」

超過100位學員出席網上共學教室,更有小店店主留言有意加入成為走塑店鋪!
超過100位學員出席網上共學教室,更有小店店主留言有意加入成為走塑店鋪!

1 做個「環保社工」

「好多人入到嚟鋪頭,就會問你其實係咪社工?呢度係咪社企?我都好想製造到呢種氣氛,一齊傾下環保,做社工都幾好吖!」Ann鼓勵顧客自攜器皿,或勸說別到隔籬超市索取膠袋時,的確會苦口婆心說「乖啦」、「唔好啦」。她本來是個普通上班族,競選業委期間認識了一班環保街坊同路人,從共購有機菜及儲廚餘堆肥做起,終萌生開鋪念頭,至今已營運一年。

小店位處九龍灣屋苑商場一隅,卻扮演多功能角色:街坊的打躉吹水站,出讓或轉贈二手物品的中途點,還有年長居民眼中的「復古鋪頭」:「我會話祼買店就似以前士多咁,買酒就攞酒樽、買豉油就攞豉油樽。」

Ann把私心推介的小店環保產品上架,笑言為自己興建「環保糧倉」。 受訪者提供圖片
Ann把私心推介的小店環保產品上架,笑言為自己興建「環保糧倉」。 受訪者提供圖片

是否社工也好,她覺得一切在乎體諒都市人充滿各種生活顧慮:「如果冇welcome嘅態度,好難令平時冇諗過環保點做嘅人入嚟接觸、試下做少少改變。要畀人『進入』環保呢樣嘢,唔好覺得麻煩。」

2 一切源於想開心

這邊廂祼買店重拾士多意象,那邊廂連桷樟口中「邊有可能仲會喺20XX年見到」的社區風景,過去兩年不時在大埔復刻:中秋節大月亮、冬至天井聖誕掛飾、新年「推銀仔」攤檔等社區活動,教不少區外人羨慕不來。問到創作意念與緣起,他的答案卻只有一個:想開心。

「點樣為之開心嘅社區,就係人與人之間linkage埋一齊。我哋都聽過話以前點樣有人情味,但嚟到呢代人,覺得社區係冇我份。咁後生就唔會有人情味咩?唔係咁架嘛,即係啲嘢唔啱啲人參與。而家做到,咪會開心。」

Dalu坦言自己也未必能完全分辨塑膠類別,但只要街坊問多一句,他就解釋多一句,「講嗰一句係可以有唔同」。 受訪者提供圖片
Dalu坦言自己也未必能完全分辨塑膠類別,但只要街坊問多一句,他就解釋多一句,「講嗰一句係可以有唔同」。 受訪者提供圖片

連桷樟甚至覺得,有時毋須設想太多嚴肅的意義,例如大月亮純粹源自「可唔可以將個月亮帶落嚟?」只要有人就有八卦,有信任就有互相幫忙。「其實有好多人好八卦,自然會貢埋嚟問你做緊乜。佢嘅intention未必同你嘅設定一樣,但枕住每次嚟,慢慢有啲嘢會變得到。」

3 慢…慢…嚟…降低門檻

我們都知道,有些危機逼在眉睫;有些事情急不來,卻也是事實。連桷樟強調社區協調必須與不同持份者做足溝通,不能挾大家上馬。他又舉例指結合街坊專長、把知識應用於維修舊風扇、衣車到鋁窗手柄的「不是修理檔」,從中領悟到組織者需要給予時間,協助跨越由認知轉化行動的門檻。

「喺街坊心裡面,『唔想嘥嘢』嘅concept係大於對環境係咪友善。佢哋未必唔知環保嘅好,但要佢take action係有個高門檻,關鍵係點樣幫佢跨過,但起點係大家攞到共識。」

綠色和平社區外展主任Kaman、Dalu、Ann與綠色和平項目主任Leanne,完成社區走塑共學第一彈! © Greenpeace
綠色和平社區外展主任Kaman、Dalu、Ann與綠色和平項目主任Leanne,完成社區走塑共學第一彈! © Greenpeace

Ann也認為各種強迫與施壓,只會適得其反,反而着手提供簡易方法,連老公也是這樣開始走塑:「佢唔係好祼買嘅人,於是我每次都帶矽膠袋去買餸,慢慢潛移默化,喺屋企又擺得順手啲去攞。有次佢影張相畀我,係袋住肉嘅矽膠袋,好感動!」

「扔彩虹」活動慢慢由街坊「自己run」,更接近連桷樟心中的社區想像。 受訪者提供圖片
「扔彩虹」活動慢慢由街坊「自己run」,更接近連桷樟心中的社區想像。 受訪者提供圖片

4 落手做!

說了這麼多,連桷樟認為要推動改變,歸根究柢也是一個字:做。「落手做一次!講係講唔明人,惟有做出嚟先話到畀人知你做緊啲咩。」唔好驚衰、預咗辛苦,知易行難,但他始終覺得就像排完又排玩「扔彩虹」的小朋友,慢慢自發幫忙刮走銀仔甚至派發獎品,這種「自動波」模式更接近他心目中社區參與、互助的感覺:「佢哋都落手去做,先明白嗰種樂趣、快樂。而且用心去做,大家知架嘛!」

走塑小隊定期舉行「走塑大HUNT」活動,參與店鋪至今已增加至818間! © Tang Yan / Greenpeace
走塑小隊定期舉行「走塑大HUNT」活動,參與店鋪至今已增加至818間! © Tang Yan / Greenpeace

閱讀到此的你,可會心思思參與「走塑共學工作坊」?6月26日起一連四節實體課堂,將會帶你認識塑膠議題,繼而學習如何策劃、實踐走塑活動,最後一同設計小型社區項目!立即把握機會,於6月21日前報名參加,約定你一同爆發小宇宙!

支持綠色和平,加快業界走塑承諾!

捐助支持 捐助支持