【重用杯專訪】轉牛奶、即棄杯加 $2 西營盤小店 hardcore 中對話

【綠色和平重用杯借還計劃│參與咖啡店專訪】市面上各種自攜杯優惠、回收獎賞，千方百計為大眾提供環保誘因，偏偏西營盤環保洗衣咖啡店「CLEAN」一反傳統，咖啡全部選用燕麥奶，改用牛奶或使用即棄外賣杯都要加錢。

外人眼中 hardcore 的環保舉動，店主 Cynthia 卻從不奢想要改變世界，純粹希望按碳足印「均真」定價，與顧客展開溝通、帶來改變。「如果只係推自攜杯獎勵，咁唔會改變到啲咩，因為你只會得閒諗起先帶，係一個 bonus，但我想將帶杯變成 standard。」

「客人唔係唔環保 只係唔知點樣開始」

要為一間洗衣咖啡店改名，CLEAN 來得直白而純粹，「唔只洗衫乾淨，對環境又乾淨，心境又乾淨」，最初也僅單純結合兄妹檔各自喜愛的元素：咖啡與洗衣香氣，店鋪便應運而生。「唔知㗎，好多時齋諗做唔做得到，就一定唔會做。如果個個都係咁樣，就應該冇乜人做一啲新嘢。」

訪問過程中，Cynthia 對種植咖啡豆相關的森林砍伐、公平貿易、碳足印等知識如數家珍，卻正正因為深入了解，份外感到大眾的環保門檻，更多在於無從入手，「我哋發現大部份時間唔係客人唔想環保，而係唔知點樣開始」。

在她眼中，「地球就快毀滅」、「用膠紙就唔啱」等說法才是 hardcore 甚至偏激，反而透過沖泡美味燕麥奶咖啡、提供天然洗衣液等優質產品，鼓勵用家不再故態復萌──輕輕一推，有時來得更紮實。

社區熟客支持 已經足夠

這種驟眼看來 hardcore 的措施，Cynthia 坦言少不免有客人「畀面色你睇」；但透過參與綠色和平重用杯計劃，連未有自攜杯的顧客都可選擇借杯取代即棄，兩者結合起來也有成功例子，「有次有個客外賣嗌 3 杯，外賣要加 $6 好似有啲貴。我哋就鼓勵佢試吓呢個重用杯計劃，最後佢真係借咗 3 隻杯。」

開業一年有多，咖啡店逐漸累積一批支持可持續理念的熟客，反過來也成為店鋪「可持續」經營下去的理由。「我哋由 day one 開始，已經知道一間小店唔會改變世界，但起碼做到呢個社區，客人明白我哋想做嘅嘢，其實就足夠。」

感謝各界關注及支持，綠色和平「重用杯借還計劃」現已擴展至全港更多地區，與 36 間咖啡店及連鎖咖啡店合作，並推出「借CUP重用 即給獎賞」推廣活動。

立即下載手機應用程式 #ch00ze，按指示每借用 1 次重用杯買飲品，即可儲 Beans（積分）換領獎賞！（按此瀏覽計劃詳情）

【綠色和平重用杯借還計劃│參與咖啡店系列專訪】
Coffee & Laundry：自比 Café 界林超英 潮人設計師品味、環保全都要
Beyond Coffee & Bar：留下來的文藝咖啡店 人生下半場交織環保夢
墨麒麟：因親近而珍惜 坪洲「咖啡佬」的環保進化史
Espresso Remedy/The Tiny Island/今半啡 Meanwhile/Cupping Room/Green Door/Knead：上環重用杯借還新嘗試 點解 6 間咖啡店肯支持？