銀幕內外反思日常 葉蘊儀：最重要係適可而止
銀幕上擲地有聲，散場後盪氣迴腸，多媒體藝術家葉蘊儀（Gloria）早前參演電影《正義迴廊》陪審員角色，叩問公義何在，戲外同樣透過藝術、教育等媒介，反思女性主義、環境保護等議題。
今次與綠色和平一拍即合擔任「無塑海港」重用杯創意設計比賽評審，全因彼此有着共同走塑理念，「重用杯（借還系統）就係一種教育，鼓勵香港人慢慢養成環保習慣」。
文章目錄
嘆人類一己私利 馬爾代夫淪垃圾島
相對《正義迴廊》 其餘 8 位陪審員，Gloria 飾演的家庭主婦，總是不慍不火提出尖銳疑問；卸下角色，說起她對塑膠污染最難忘的片段，同樣不徐不疾。「睇過新聞講馬爾代夫，大家都覺得係陽光與海灘、水清沙幼。原來嗰度 1,100 個島得 200 幾個有人居住，仲有啲膠袋、膠樽綑綁埋一齊而成嘅『垃圾島』。」
「我唔希望我哋個世界係咁樣──我哋一己嘅私利，令成個地球堆滿垃圾。」
此情此景，亦見於她為綠色和平重用杯所設計的圖案：海龜與大小魚類，同樣難逃塑膠垃圾纏繞，盼為用家帶來一點反思。「海洋對我嚟講係好寧靜，理應係好乾淨。如果個海有好多塑膠，佢哋（海洋生物）係幾咁辛苦呢？」
拍片推升級再造 謹記「物極必反」
訪問中 Gloria 反覆強調改變應由教育做起，而她在疫情期間其中一個新嘗試，便是拍 YouTube 片教授環保小手工，膠樽、咖啡罐、雞蛋盒紛紛升級再造（upcycling）變身玩具、擺設。「呢個年代好多嘢都好快速、好容易得到，但其實係破壞緊地球、浪費緊資源。所以想由小朋友教育開始，教導佢哋珍惜擁有嘅嘢。」
既是手作班，也是環保課，皆因 Gloria 每段片均有相當篇幅講解環保知識，「我嘅 upcycling class 會教埋歷史，例如人類每日浪費幾多紙張，或者塑膠回收點樣分類，都會簡單介紹番。」
「因為好多嘢都係『物極必反』，例如最初發明膠袋嘅瑞典科學家，係為咗唔想濫伐樹木，估唔到後來咁極端濫用。所以最重要係『適可而止』，真係需要先至用，同埋盡量重用。」
支持借還重用杯 「養成習慣嘅好開始」
對「適可而止」的反思，也貫徹在她的藝術家生涯──修讀藝術碩士時曾經醉心陶瓷，可惜燒製後的物料難以回收重用，「做裝置藝術要追求完美，可能 10 件有 6 件都唔滿意，跟住我突然之間唔想做，覺得自己好唔環保，就停低咗落嚟。」
這份多想一步、多做一步的理念，亦驅使 Gloria 捐助支持綠色和平環保工作多年，特別對 2018 年守護郊野公園項目的郊響樂《燕尾蝶》 MV 記憶猶新（當年更曾為綠色和平年報撰文：《守護屬於每位香港人的青山綠水》）。「綠色和平係其中一個我會支持嘅機構，因為有啲理念同我想法一致，例如走塑咁，點樣行前一步，鼓勵更多人去保護環境。」
正如「綠色和平重用杯借還計劃」去年率先探討借還系統在香港的可行性，至今已拓展至超過 36 間咖啡店參與，她相信既然外地日趨普遍，香港亦能做到：「計劃可以帶畀香港人一個契機，開始習慣用重用杯去裝咖啡，我覺得好好。」
「由借杯做起，用完之後還番，係一個好開始。養成習慣之後，唔做反而會唔舒服。」
一人一個重用杯創意設計，一起推廣「重用杯借還系統」及全城走塑理念，讓下一代仍能享受和見證這片蔚藍海港的醉人景色。立即參加比賽！
「無塑海港」重用杯創意設計比賽評審專訪：