交畀伍家謙講體育與環保：重用杯減廢大勢所趨
「熱刺同阿仙奴兩支北倫敦宿敵，由英國打到嚟香港，鬥到難分難解：唔只係獎盃，而係畀球迷用嘅重用杯！」聽着前體育主播伍家謙的聲音導航，往往猶如置身比賽現場，與運動員悲喜與共；今次帶我們來到啟德體育園，着緊的不是場上比數，而是啟德能否追上國際減廢趨勢，設立重用杯系統。
綠色和平最新發佈《重用啟是綠》建議書，為啟德體育園度身訂造重用杯方案，推算首三年營運可減少 600 萬個即棄杯，亦能帶來顯著環境效益，包括減少碳排放及節約水資源；其中提到來季英超 20 隊當中 13 隊的主場館已推行重用杯，普及程度令家謙驚訝之餘，亦認同是大勢所趨：「我知道某幾支英超球隊有推行重用杯，但原來超過六成咁多。成日話環保係大潮流，我相信（重用杯）都會愈嚟愈普及。」
文章目錄
給環保賦予價值
超過 20 年體育主持生涯，加上本身熱愛運動，造就家謙走遍世界各地大型場館，酋長球場與熱刺球場自不例外。剛巧兩者堪稱英超重用先驅——阿仙奴是第一支推行重用杯的英超球隊，2018 年至今已節省 50 萬隻即棄杯；熱刺亦不甘屈居宿敵之後，2019 年翻新球場後推出重用啤酒杯計劃，趕上環保潮流。
「一講『環保』，好多人或者即刻諗，係咪要增加好多麻煩……但我成日都話，一樣嘢嘅價值係你賦予佢。」啟德體育園開幕至今四個多月，家謙雖只曾因工作身份進場，也形容硬件絕對稱得上世界級，接連舉辦香港國際七人欖球賽與足球盛會等體壇盛事，年底還會承辦全運會部分項目，只要執行上能夠配合，相信啟德體育園大有條件收復環保失地，「如果喺體育園推動到（重用杯），對環保呢件事絕對有幫助」。
熱浪下的馬拉松
從知識層面論體育與環保的關係，家謙可以侃侃而談環保物料如何製成運動裝備、籃球場地，或者足球賽事加入「飲水時間」保障球員健康，但讓他最切身體會的，莫過於馬拉松。即使今年勢將完成個人世界七大馬拉松第五站，滿地即棄杯的景象仍然震撼，「每個大型馬拉松，參賽者少則三萬，多嘅動輒六萬，沿途十幾個水站有數得計，棄置數量真係好得人驚」。
能否在馬拉松以重用杯全面取代即棄杯，箇中涉及跑手飲水時爭分奪秒的考量，但在本地大型長跑賽事之一「香港街馬」，已有多年於部份水站使用重用水杯的經驗。而極端酷熱直接影響運動表現亦是不爭事實，包括削弱排汗與散熱能力、加速鹽份及電解質流失，連跑手敬仰的「馬拉松之神」、兩屆奧運男子馬拉松金牌得主傑祖基（Eliud Kipchoge）也不能倖免，「因為奧運成日喺七、八月舉行，佢會話呢啲場合穩穩哋贏咗就 ok，唔好諗做世界紀錄，因為天氣實在唔適宜。」
而在今年英國曼徹斯特馬拉松，家謙亦親身感受到何謂「人算不如天算」，由到埗時氣溫 6-10°C，飆升至賽事當日逾 20°C，「冇幾何英國 4 月尾會有熱浪，呢樣嘢就係氣候變化囉」。只見終點很多跑手抽筋或累透躺臥地上，而自己雖未能如願造出理想時間，仍為安全完賽而感恩——一句「今日唔係做 PB 嘅日子」（PB = personal best，個人最佳時間），就是跑手之間適應氣候危機的默契。
為下一代做多啲
撇開體育迷身分，家謙近年多了一股保護環境的動力，就是成為一對「小怪獸s」的爸爸。他笑言由於幼稚園正講授珍惜地球的課題，家中每星期都會儲起一堆回收物，帶返學校作 DIY 玩具素材，「佢哋每日都會有大量用膠樽同埋紙盒砌成嘅機械人拎返屋企，仲要唔畀我扔！（笑)」寓教於樂灌輸環保理念，似乎相當成功，「佢哋而家放學返嚟會同我講，“Environment Protection is important, Daddy.”」
「我成日都話個地球係大家嘅，我哋而家做啲乜，就係影響下一代喺個點樣嘅環境之下生活，所以盡量希望可以做多啲就做多啲。」