最新消息

Homepage主頁

如何支持

專題報導 塑膠
4 mins

抗疫、走塑一齊贏!食肆老闆4大實戰心得

作者: 綠色和平

新冠肺炎疫情當前,愛護環境的你面對即棄塑膠用量激增,不免多了內心交戰,但我們真的沒有選擇餘地?不論小店或大集團,很多有心餐廳繼續推動走塑,避免擊退疫情後墮進另一場環境災難。綠色和平早前舉行「抗疫點走塑?你問我答」網上分享會,邀請叙福樓集團主席及行政總裁黃傑龍(Simon),以及西餐小店Space cafe & kitchen店主Yvonne,和你分享防疫下走塑的堅持與成效,一起抗衡膠災大流行。

Yvonne(左起)、綠色和平項目主任阿淳與Simon,於綠色和平「抗疫點走塑?你問我答」分享疫情下走塑心得。 © Greenpeace
Yvonne(左起)、綠色和平項目主任阿淳與Simon,於綠色和平「抗疫點走塑?你問我答」分享疫情下走塑心得。 © Greenpeace

早前有環保團體推算,香港人在疫情期間每星期耗用一億件塑膠餐具[1],無疑使Yvonne等出心出力源頭減廢的社區街坊晴天霹靂。「大家好專心抗疫,但冇為意喺生活另一方面都有影響。」她位於牛頭角的西餐小店Space cafe & kitchen一直歡迎走塑,有感膠災數字驚人,於是自3月中大力推動自備容器優惠及租用餐盒計劃,經街坊口耳相傳,於第三波疫情高峰期間愈來愈多人支持,「每日一定有人畀餐盒。」

Yvonne走塑小檔案

餐廳:Space cafe & kitchen️
走塑措施:
1 自備餐盒減$3
2 顧客預付$50按金,就可租借可重用餐盒買外賣
3 從街坊收集多餘的玻璃樽,洗淨後裝入自家製的沙嗲醬及咖喱醬出售
成效:高峰時每日「10個8個客」參與

雖然小店與集團經營模式大不同,但Simon的叙福樓集團旗下食肆一直也有環保措施,包括早年不忍被割鰭棄身的鯊魚在沙灘痛苦掙扎,而推廣無翅婚宴;去年5月起推動走飲管,至今已節省40萬支,「最初要飲管收多1蚊,俾人鬧到暈,後來調轉唔要飲管減10蚊,從此冇人鬧,仲多咗人飲嘢。」第三波疫情來襲時,他亦推出「外賣自取體驗」,以堂食器皿送上食物,交由客人放進自攜餐盒,兼享折扣優惠。

Simon走塑小檔案

餐廳:叙福樓集團旗下38間分店
走塑措施:
1 自攜餐具買外賣,可享低至6折優惠
2 走飲管$10優惠
成效:478人次參與「外賣自取體驗」,平均每日廿多宗

1 給顧客:做足消毒工序,自己洗最乾淨

不過,食環署職員上月底巡查Simon其中一間分店,指市民晚上6點後在餐廳內自行入盒,也可能違反堂食禁令,令他無奈叫停。「我覺得係好橋,食環署覺得係屎橋。」這卻無阻他另覓「執枱專員」新政策,安排同事分開執枱與傳菜流程,釋除交叉感染疑慮,避免堂食也要耗用即棄餐具的終極災難,更獲得專家認同。

昨日袁教授睇新聞話:「食肆無法分開執枱及傳菜員工...」可能一般中小型食肆的確好難做到,但我一向聽教聽話鍾意諗嘢創新,今朝即時開發左一個新崗位叫做「執枱專員」,每間分店有幾位,專責淨係做一樣野就係收拾枱面,唔准做其他嘢。...

Posted by 黃傑龍 Simon - 窮富翁 好人好事 on Thursday, July 30, 2020

至於Yvonne則充份發揮親力親為打點小店的優勢,也慶幸員工上下非常支持走塑,讓食客安心自攜餐具:「所有自備盒都會拎入廚房,用滾水淥一淥,做好基本消毒,再同客人溝通好邊個盒載啲咩,佢哋都好有信心。」事實上,科學研究指出,新冠病毒可依附塑膠表面長達3日,因此即棄餐具絕非防疫保證,還是自己做好消毒及個人衛生,才是抗疫真功夫!

Yvonne與Sion展示個人走塑法寶,自攜餐盒好簡單。 © Greenpeace
Yvonne與Sion展示個人走塑法寶,自攜餐盒好簡單。 © Greenpeace

2 給飲食同業:環境都係成本,尋求可持續經營

最近晚市堂食全面停頓,不少食肆苦苦支撐,再談環保,會否百上加斤?Yvonne笑言「認真咁答,係人格分裂」,例如提供不鏽鋼飲管取代即棄飲管,或者物色材質較易分解的餐盒,必然涉及成本考量,但她更關注下一代面對環境危機何去何從,「真正嘅成本唔在於金錢,而係要承受環境成本,下一代、海洋、氣候變化,都係成本。」

Simon則坦言經營連鎖店較多制肘與既定程序,但一個政策修訂便有力造成廣泛影響,他亦不吝把環保方案公諸同好;而且就如上述走飲管例子,推動環保也可以增加生意及節省成本,最重要是店主以可持續經營模式,好好照顧自己,「如果企業為咗環保做到虧損,撐唔落去,都係冇意義,只會劣幣驅逐良幣。」

綠色和平項目主任Sion亦分享了兩個外國案例,包括英國有企業推行牛奶「按樽」網購[2]、新加坡則有初創App提供外賣可重用餐盒服務[3],證明環保也可開拓新商機!

無奈要用即棄餐具?外賣減塑小智慧

Yvonne:
1 善用外賣App「走餐具」選項
2 店員可將味道相宜的食物放在一起包裝,減少餐盒消耗
Simon:
1 迫不得已使用即棄餐具後,盡量洗乾淨重用或妥善回收
2 店員可善用現有包裝減少額外消耗,例如火鍋生蛋以原有蛋盒包裝

3 給走塑新手:互相溝通,唔使怕麻煩!

追求方便,可能是香港人根深蒂固的觀念之一,對走塑卻步或遲疑,除了自身便利,也有網民問到:自攜甚至帶錯容器,會否麻煩了廚房和店鋪?本身也會自攜餐具的Simon笑言:「關心環保嘅客人,本身人品質素都偏高,make sense好多。」他覺得不要因過份疑慮阻礙行動,即使第一次容器未必適合,最多也是用一次即棄餐盒,之後就能順利走塑!而Yvonne也同意使用客人自備餐盒並非甚麼麻煩事,只要互相溝通,走塑其實唔難,「客人落單時知道要幾大、幾多個盒,有冇湯水汁醬,就會揀到適當容器同餐具!」

[餐盒重用][餐盒租用][餐盒回收]外賣…近半年大家都買多左…無奈地大家都用多左即棄產品…於是堆填區就接收多左即棄餐具…早前有環保團體調查發現…抗疫期間香港人一星期消耗超過1億件外賣即棄塑膠…睇落好誇張…但其實係大家既日常事…我地每日就...

Posted by Space cafe & kitchen on Tuesday, June 9, 2020

 

4 給700萬人:勿妄自菲薄,香港可以係環保社會

近至香港膠災泛濫,遠至格陵蘭冰蓋融化,各種環境絕望真相之中,你我堅持力挽狂瀾,不讓自己後悔未盡全力。Simon分享了兩個小故事,一個是在更注重環保的太太與女兒下達膠樽「禁令」後,兩、三年來未嘗購買樽裝飲品;一個是在諮詢委員會打破沉默,呼籲停用樽裝水獲眾人響應──只要鼓起勇氣發聲、行動,就有可能一呼百應,「700萬人都有『自己可以做乜』呢個概念,就係相當好嘅環保社會。」Yvonne亦認為小店以至個人毋須妄自菲薄,逐步改變生活,影響力可以好大。「每個人都有唔同生活節奏,點樣配合環保,改變生活習慣。唔好睇小每一句說話。」

【#現場直播】「抗疫點走塑?你問我答」

【#持續關注 — 兩位餐廳老闆分享抗疫走塑生意經❤️】綠色和平噚晚舉辦網上直播「抗疫點走塑?你問我答」,邀請飲食集團CEO 黃傑龍 Simon - 窮富翁 好人好事,及西餐小店 Space cafe & kitchen 店主Yvonne,交流喺疫情下推出咩優惠及措施,希望積極發揮自己影響力,鼓勵更多顧客安心走塑👍佢哋唔止解答網民嘅走塑疑惑,仲分享咗好多自身走塑經歷添!兩位都異口同聲話,好開心見到而家有唔少人會自備容器買外賣💪Yvonne強調「唔好妄自菲薄,一人嘅影響力可以好大」,黃傑龍更係坦言「如果七百萬人都由自己做起,香港就能成為環保社會」。疫情下無可避免製造大量抗疫用品等即棄垃圾,但我哋仲可作出走塑選擇。外賣餐具、超市貨品包裝唔可以降低傳播風險,塑膠污染仲會遺禍環境幾百年。不妨重溫兩位餐廳老闆分享嘅走塑生意經。#tuesplasticfree #走塑 #源頭減廢 #要有得揀---------------------------------------------立即Follow綠色和平Instagram👉http://bit.ly/2Vs7XQj馬上訂閱綠色和平YouTube Channel👉http://bit.ly/2F6gxy為維持公正獨立,綠色和平從不接受政商界資助,只依靠你一樣熱心市民捐款支持👉https://act.gp/2ToVoDw

Posted by Greenpeace 綠色和平 - 香港網站 on Tuesday, August 18, 2020

進一步走塑?你可以做的3件事

感謝超過60位市民參與分享會並踴躍提問,正如有網民留言:「兩位嘉賓都好有heart,令小眾感到我哋嘅同溫層一啲都唔薄弱。」其實每個願意從日常生活實踐走塑的你都是有心人,保重身體繼續抗疫之餘,以下3件事歡迎你一起參與:

[1] 綠領行動數據
[2] 環境資訊中心報導
[3] Green Queen報導

延伸閱讀:
5個家中抗疫的減塑貼士
【綠色抗肺炎】系列文章