Ko te mahi kohi pūtea he mahi motuhake i runga i te ngākau māhaki me te pono.

Kei te kaupare atu mātou i ngā mahi kino ki runga i te taiao nā runga i te mana me te kaha o ngā kaitautoko pērā i a koe. Ko te mahi kohi pūtea tētahi wāhi o taua kaupapa, arā, ka tonoa ngā tāngata ki te tāpiri mai i ō rātou reo, i ā rātou tūmahi me ā rātou pūtea ki ō mātou kaupapa whakahau.

He kaikohi pūtea pono mātou, nō reira:

• Ka tū motuhake mātou – ki te ao tōrangapū me te ao ahumoni. Kāore rawa mātou e whakaae ki ngā takoha pūtea mai i ngā kāwanatanga, i ngā kamupene rānei, kia noho pono mātou ki te oranga o te ao i te tuatahi. Ka whai pūtea mātou i te tangata takitahi me ngā whakahaere hua-kore anake. He mea whakahirahira tō tautoko ki a mātou. 
• Ka āta whakatakoto mātou ā mātou tono pūtea, kia mārama.
• He paearu tōtika ā mātou, ā, kua whakangungua ō mātou kaimahi ki te mahi kohi pūtea. He kaupapa here ō mātou e pā ana ki te tono moni i te hunga whakaraerae.
• Ka kore mātou e hoko atu, e rīhi rānei i ngā kōrero mō ō mātou kaitautoko.
• Ka waea atu mātou ki te hunga kua whakaae kē kia whakapā atu mātou ki a rātou.
• Kua herea te nui o ngā waeatanga e tono moni ana, ā, ka whakarongo mātou mēnā kāore te tangata i te wātea ki te kōrero.
• Ka manaaki mātou i ngā tono kia kaua mātou e whakapā atu ki te tangata, ā, ka kore rawa mātou whakapā atu anō ki a rātou.

Ki te tūpono pā mai tētahi raruraru, ka tere whakatikatikangia e mātou. Kei te kaha mātou ki te whakapakari i ā mātou mahi.

Ki te kore koe, e kore ngā mahi e tutuki, nā reira, ka manaakihia, ka whakamānawatia koe, waihoki ō takoha pūtea.