Nos mundu ta na kandela i ta inundá na mes momentu. E krísis ta awor i ta afektá nos tur. Nos planeta i nos salubridat. Nos futuro i esun di e generashonnan benidero. Na Hulanda i sigur tambe na otro paisnan.
Esnan ku a kontribuí lo mínimo na e krísis di klima ya kaba ta haña e gòlpinan di mas fuerte. Na Hulanda esaki ta bira opvio ora bo mira kon apenas Hulanda tin plannan pa protehá munisipalnan Boneiru, Saba i St. Eustatius kontra di konsekuensianan di kambio di klima. I ta pone e ganashinan di kontaminadó grandi manera Schiphol, Tata Steel i Chemours kada bes riba e salubridat i siguridat di personanan ku ta biba den bisendario i empleadonan.
Habitantenan di Boneiru i personanan ku ta biba den bisendario di kontaminadó grandi ta pará na e liñanan de frente di e krísis di klima i su konsekuensianan desastroso. Un kinto parti di Boneiru ta kore peliger pa inundá si nos no hasi nada awor. Den IJmond ta mas probabel ku hendenan ta haña malesanan severo manera kanser na pulmon i personanan ku ta biba den bisendario di Schiphol no por drumi anochi por kousa di e bochincha. Hopi hende den e gruponan aki ya kaba tin años ta luchando balente kontra di e kontaminashon i e krísis di klima. Laga nos amplifiká e zonidu aki i demandá kambio huntu.
Ta p’esei 12 di novèmber – pegá ku e elekshon – nos lo subi kaya masal. Huntu banda di otro nos ta demandá ku gobièrnu Hulandes trata tur su habitantenan igual i protehá nan kontra di e krísis di klima i polushon. Huntu nos ta solidario ku tur e hendenan rònt mundu ku ta luchando pa un futuro i ambiente di biba sano i salvo.
E krísis ta awór! Nos ta demandá un maneho pa klima hustu, i un gobièrnu ku ta ta pone salubridat riba ganashi di kompania grandi. Abo tambe ta partisipá? 12 di novèmber, plenchi de Dam na Amsterdam.
Organisashonnan ku ta apoyá e yamada
Habitantenan di Boneiru den Kaso di Klima
Gezondheid Op 1
SchipholWatch
Stop4deroute
Frisse Wind
Krimp Luchtvaart
XR Drechtsteden
SOS Zaanstreek
