E habitantenan di Boneiru huntu ku Greenpeace ta hiba gobièrnu Hulandes dilanti korte pa logra akshon pa klima. Ku esei nan ta defendé nos tur, pasobra tur hende ta kore peliger den e krísis di klima.
Habitantenan di Boneiru i Greenpeace Hulanda ta enfrentá Estado Hulandes den korte na Den Haag dianan 7 i 8 di òktober. Nan ta eksigí un maneho di klima hustu serka Estado Hulandes.
De overheid heeft de taak om ons eerlijk te beschermen in de klimaatcrisis, maar doet dit niet. Steun de inwoners van Bonaire en Greenpeace en eis dat Nederland de CO2-uitstoot sneller terugdringt en maatregelen neemt.
Word medestanderHustisia di Klima pa henter Hulanda
Sea nos ta biba na Ameland, Boneiru, òf Valkenburg, tur hende ke pa nos gobièrnu protehá nos futuro den e krísis di klima. Esei ta nifiká protekshon di nos salú, kasnan, trabou i naturalesa.
Ounke Boneiru ta un munisipio Hulandes, e habitantenan no ta haña e mesun nivel di protekshon ku resto di Hulanda, miéntras ku e isla ta èkstra vulnerabel pa inundashon, kalor ekstremo i áwaseru pisá. Gobièrnu Hulandes ainda ta trata hendenan na Boneiru komo si fuera nan ta ménos importante. Ku e Kaso di Klima akí nos ta eksigí hustisia di klima.
Gobièrnu ta bai duna su kontribushon hustu pa keda bou di 1.5 grado
Nos promé eksigensia den e Kaso di Klima ta ku gobièrnu lo duna su kontribushon hustu pa logra e meta mundial di tene e kalentamentu di mundu bou di 1.5 grado. Keda bou di 1.5 grado di kalentamentu ta krusial pa un planeta habitabel, pa Boneiru i pa mundu kompleto. E ta nesesario p’asina por tin oséanonan saludabel ku ta yen di koral i piská, i mondinan fuerte ku ta duna nos oksígeno.
Antó ta redusí emishon di CO2 te na sero pa mas tardá 2040
Investigashon sientífiko ta mustra ku, si tene kuenta ku e emishon históriko di gasnan ku efekto di broeikas, Hulanda no mag di tin niun emishon mas for di aworakí. Den pasado ya nos tabatin emishon di un gran kantidat di gas ku efekto di broeikas. P’e motibu ei nos ta eksigí pa nos emishonnan keda redusí te na sero mas lihé posibel. Investigashon ta mustra ku esaki ta posibel: ku esfuersonan signifikante, nos pais su emishon di CO2 por keda redusí na sero na aña 2040 kaba.
Gobièrnu mester protehá tur hende na Hulanda di forma igual
E habitantenan di Boneiru ta kore riesgonan grandi pa motibu di subida di nivel di laman, oumento di kalor, wer ekstremo, i koral ku ta muriendo. Den e Kaso di Klima akí, nos ta demostrá ku Estado Hulandes ta hasi muchu tiki pa protehá e habitantenan di Boneiru, ku ta un munisipio spesial di Hulanda, kontra e konsekuensianan di e krísis di klima. Esaki ta violá diferente derecho humano. P’e motibu ei nos segundo eksigensia ta pa bini ku un plan pa Boneiru.
Derechonan humano garantisá
Gobièrnu tin e deber pa aktivamente protehá tur su siudadanonan kontra (e konsekuensianan di) e kambio di klima peligroso. E deber akí ta ankrá den derecho internashonal, manera e Tratado Europeo di Derechonan Humano, pero Korte Supremo Hulandes tambe a tuma un posishon kla riba e asuntu akí. Antó resientemente e huesnan mas haltu na mundu di Korte Internashonal di Hustisia a konfirmá esaki. E echo ku gobièrnu no ta hasiendo sufisiente akualmente, ta un akto kontra lei.
Sostené e Kaso di Klima
Huntu nos ta sòru pa nos gobièrnu komprometé su mes pa ku futuro di nos tur, no ta importá na unda nos ta biba na Hulanda. Despues di viktorianan anterior den korte kontra gobièrnunan i kontaminadónan grandi di kombustibel fósil, nos ta konfia un biaha mas riba lei pa perkurá ku gobièrnu ta hasi su trabou di protehá nos. Sostené e kaso di klima i djòin Greenpeace.
De overheid heeft de taak om ons eerlijk te beschermen in de klimaatcrisis, maar doet dit niet. Steun de inwoners van Bonaire en Greenpeace en eis dat Nederland de CO2-uitstoot sneller terugdringt en maatregelen neemt.
Word medestander
