Greenpeace ta fèrf ‘Minister pa Fosil’ riba asera na ministerio 

Den Haag, 3 di yüni 2025 – Aktivistanan di Greenpeace Hulanda a fèrf un mensahe di 25 meter pa Minister Hermans na e krusada entre Tweede Kamer i Ministerio di Klima i Kresementu Bèrdè na Den Haag. Riba dia di e debate tokante klima, tin skirbí riba e asera: ‘Hermans: Minister pa Fosil’. Ku e akshon akí, Greenpeace ke komuniká klaramente na Hermans ku e no ta logrando su propio metanan legal di klima ku su aktual pakete di klima. “Na òktober, nos lo enfrentá otro den korte, i ku e rumbo di klima aktual, ta parse ku e gabinete lo haña un sla den kara, meskos ku den e kaso di nitrógeno,” segun Marieke Vellekoop, direktor di Greenpeace Hulanda.

Greenpeace Netherlands activists have painted a 25-metre message for minister Hermans at the intersection between the Parliament and the Ministry for Climate & Green Growth in The Hague. On the day of the climate debate, the pavement reads: ‘Hermans: Minister for Fossil’. With the action, Greenpeace wants to make it clear to Hermans that her climate package does not even meet her own statutory climate targets. Actievoerders van Greenpeace Nederland hebben een boodschap van 25 meter voor minister Hermans geschilderd bij het kruispunt tussen de Tweede Kamer en het Ministerie voor Klimaat & Groene Groei in Den Haag. Op de dag van het klimaatdebat staat op de stoep: ‘Hermans: Minister voor fossiel’. Met de actie wil Greenpeace Hermans duidelijk maken dat ze met haar klimaatpakket zelfs de eigen wettelijke klimaatdoelen niet haalt.

Awe Tweede Kamer ta debatí ku Minister Hermans tokante su pakete di klima. Investigashon di Kalavasta ta mustra ku su medidanan ta leu di ta sufisiente pa garantisá hustisia di klima. Greenpeace a keda asombrá di tende ku asta mei bion èkstra ta bai pa e industria di fosil. Marieke Vellekoop: “Minister Hermans ta kana e ruta akí awe pa bai Tweede Kamer pa e debate di klima. Nos ta spera ku e ‘walk of shame’ akí lo rekord’é ku e pakete di klima aktual ta un kaminda sin salida. Miéntras ku hustisia di klima ta rekerí mas redukshon di CO2 ku e metanan di klima aktual ta preskribí, e minister akí ta dunando mei bion èkstra komo regalo na kontaminadónan grandi. Hermans ta aktua manera minister pa Kontaminadónan di Fosil, enbes di minister di Klima.”

Pakete di klima ta kai hopi kòrtiku

Aña pasá tabata e aña di mas kalor ku a yega di ser midí. Mundu ta han’é konfrontá mas i mas ku wer ekstremo den forma di sekura, inundashon i kandela di mondi. Mientrastantu e metanan di klima ta disparsé mas leu for di bista. E pakete di klima aktual di Minister Hermans ta brinda solamente un tersera parti di e ganashi di klima primintí. Vellekoop: “Minister Hermans ta bisa ku e ke logra e metanan di klima, pero su plannan ta proba lo kontrario. E no ta tuma su tarea pa protehá e habitantenan di Hulanda na serio. Nos mester aselerá enbes di baha velosidat, pa prevení e konsekuensianan serio di e krísis di klima. Na Boneiru ya kaba e habitantenan ta konfrontá kalor ekstremo i sekura. Pero na Hulanda Europeo tambe hendenan ta eksperensiando sekura i wer ekstremo ku mas frekuensia.”

Kaso di klima kontra Estado Hulandes

Dia 7 i 8 di òktober e aña akí, korte na Den Haag lo konsiderá e Kaso di Klima di Boneiru, entamá pa 8 habitante di Boneiru i Greenpeace Hulanda kontra di Estado Hulandes. Nan ta eksigí hustisia di klima, pasobra gobièrnu no ta hasiendo nada konkreto pa protehá nan kontra e konsekuensianan di e krísis di klima. Boneiru ta èkstra vulnerabel pa kambio di klima. Un kinto parti di Boneiru ta ser menasá pa subida di nivel di laman den direkshon di fin di e siglo akí. Den e kaso ta ser eksigí pa gobièrnu Hulandes limitá e peligernan dor di redusí emishon di CO2 mas lihé. Banda di esei, e gobièrnu mester traha plannan huntu ku pueblo di Boneiru pa protekshon di Boneiru.

Pa mas informashon:

Laura Polderman – ofisial di prensa di Greenpeace

06 29 00 11 40 – [email protected]

Adrès di e krusada: 

Por haña i download imágennan di e akshon den e Greenpeace Media Library